ພິທີເປີດ ໂຮງໝໍ ຫຼັກໄຊຢ່າງເປັນທາງການ

ເປີດຢ່າງເປັນທາງການ ວັນທີ 28 ທັນວາ ປີ 2022 ຢູ່ທີ່ ພັດຕາຄານດາວວຽງ ເປັນກຽດເຂົ້າຮ່ວມໂດຍ ທ່ານ ດຣ ບຸນແຝງ ພູມມະໄລສິດ ລັດຖະມົນຕີ ກະຊວງສາທາລະນະສຸກ ແລະ ຍັງມີບັນດາທ່ານ ຮອງລັດຖະມົນຕີ, ທ່ານຫົວໜ້າກົມ, ທ່ານອຳນວຍການ ໂຮງໝໍມິດຕະພາບ, ມະໂຫສົດ, ເສດຖາທິຣາດ, ແມ່ ແລະ ເດັກ, ໂຮງໝໍເດັກມິດຕະພາບ, ສາທານະຄອນຫຼວງ ແລະ ຄະນະບໍລິຫານ ໂຮງໝໍຫຼັກໄຊ ເພື່ອເປັນສັກຂີພະຍານໃນຄັ້ງນີ້. ທ່ານ ດຣ ບຸນມີ ສົມສະໜຸດ ຜູ້ອຳນວຍການໂຮງໝໍຫຼັກໄຊ ພ້ອມທັງເປັນຮອງປະທານໂຮງໝໍຜູ້ທີ່ໜື່ງກ່າວວ່າ: ໂຮງໝໍຫຼັກໄຊ ເປັນໂຮງໝໍເອກະຊົນອີກແຫ່ງຫນຶ່ງ ຊຶ່ງໄດ້ຮັບອະນຸຍາດຈາກ ກະຊວງແຜນການ ແລະ ການລົງທືນ ແລະ ກະຊວງສາທາລະນະສຸກ ຢ່າງຖືກຕ້ອງຕາມກົດໝາຍຂອງ ສປປລາວ.
ໂຮງໝໍຫຼັກໄຊໄດ້ເລີ່ມກໍ່ສ້າງໃນກາງປີ 2019 ແລະໄດ້ເປີດນຳໃຊ້ໃຫ້ບໍລິການຢ່າງເປັນທາງການໃນວັນທີ 14 ກັນຍາ 2020 ດ້ວຍການໃຫ້ບໍລິການໃນຮູບແບບຄລີນິກຮ້ອງຊື່ວ່າ ຫຼັກໄຊຄລີນິກ ຫຼື ຫ້ອງກວດພະຍາດຫຼັກໄຊ.ແຕ່ໃນເມື່ອເຫັນໄດ້ຕາມຄວາມຮຽກຮ້ອງຕ້ອງການ ແລະ ຄວາມຕອບຮັບຂອງສັງຄົມກໍ່ຄືຜູ້ມາໃຊ້ບໍລິການນັບມື້ເພີ່ມຫຼາຍຂື້ນດັ່ງນັ້ນ, ພວກເຮົາຈື່ງຂໍອະນຸຍາດເລື່ອນຈາກການບໍລິການໃນຮູບແບບຄລີນິກມາເປັນການໃຫ້ບໍລິການແບບໂຮງໝໍຢ່າງເຕັມຮູບແບບ ແລະ ໄດ້ຮັບໃບອານຸຍາດຈາກກະຊວງ ສາທາລະນະສຸກ ໃຫ້ເປັນໂຮງໝໍຫຼັກໄຊ ຕັ້ງແຕ່ວັນທີ 23 ກັນຍາ 2022 ພ້ອມທັງໄດຈັດພິທີເປີດປ້າຍຢ່າງເປັນທາງການໃນມື້ນີ້ ວັນທີ 28 ທັນວາ 2022.
ເມື່ອເຫັນໄດ້ສະພາບຄວາມຮຽກ ຮ້ອງການຂອງສັງຄົມໃນປະຈຸບັນເຫັນວ່າຄົນສ່ວນຫຼາຍຫັນມາໃສ່ໃຈດູແລສຸຂະພາບຂອງຕົນເອງ ແລະ ຄົນໃກ້ສິດນັບມື້ນັບຫຼາຍຂື້ນເຊີ່ງເຫັນໄດ້ວ່າ: ມີຜູ້ຄົນທຸກເພດ ທຸກໄວພາກັນອອກກໍາລັງກາຍຢ່າງຫຼວງຫຼາຍເປັນຂະບວນການ, ມີທັງຄົນລາວ ແລະ ຊາວຕ່າງດ້າວ ເຂົ້າມາກວດເຊັກສຸຂະພາບປະຈຳປີຕາມຈຸດບໍລິການຕ່າງໆຢ່າງຕໍ່ເນື່ອງ ແລະ ຍັງເຫັນໄດ້ອີກວ່າສະພາບຄວາມເປັນຈີງຂອງບ້ານເຮົາໃນປະຈຸບັນນີ້ສູນການໃຫ້ບໍລິການດ້ານສຸຂະພາບ ຫຼື ດ້ານການແພດກໍມີບໍ່ຫຼາຍ ທັງຍັງເປັນແບບກະແຈກກະຈາຍບໍ່ລວມສູນ ເຊີ່ງບໍ່ສາມາດຕອບສະໜອງກັບຄວາມຮຽກຮ້ອງຕ້ອງການຂອງສັງຄົມກໍ່ຄືຜູ້ມາໃຊ້ບໍລິການຍັງບໍ່ໄດ້ດີເທົ້າທີ່ຄວນ ສະນັ້ນ, ຈື່ງເຮັດໃຫ້ຄົນລາວເຮົາ ຫຼືຊາວຕ່າງດ້າວທີ່ອາໃສຢູ່ໃນລາວຜູ້ມີເງື່ອນໄຂຫັນໄປໃຊ້ບໍລິການຢູ່ຕ່າງເທດໂດຍສະເພາະປະເທດເພື່ອນບ້ານຂອງພວກເຮົາເປັນຈຳນວນຫຼວງຫຼາຍ.
ເມື່ອເຫັນບັນຫາທີ່ກ່າວມາຂ້າງເທີງນັ້ນຄະນະບໍລິຫານໂຮງໝໍຫຼັກໄຊຈື່ງມີຈຸດປະສົງ, ມີເປົ້າໝາຍ ມີວິໃສທັດ ແລະ ແຜນພັດທະນາດັ່ງນີ້: “ ພັດທະນາບຸກຄະລາກອນແພດຢ່າງເປັນມືອາຊີບ ຕິດພັນກັບວິທະຍາສາດ ກ້າວສູ່ຄວາມເປັນເລີດການໃຫ້ບໍລິການສຸຂະພາບສັງຄົມຍອມຮັບຜູ້ໃຊ້ບໍລິການມີຄວາມເພີ່ງພໍໃຈ” ຈຸດປະສົງຂອງໂຮງໝໍຫຼັກໄຊແມ່ນຈະປະຕິບັດໃຫ້ໄດ້ຕາມວິໃສທັດທີ່ຕັ້ງໄວ້ທາງໂຮງໝໍຈື່ງມີຈຸດປະສົງຫຼັກດັ່ງນີ້:
1. ເພື່ອອຳນວຍຄວາມສະດວກ ຫຼື ເປັນທາງເລືອກໃຫ້ແກ່ຜູ້ມາໃຊ້ບໍລິການໃຫ້ງ່າຍຂື້ນ ແລະເພື່ອຫລຸດ ຜ່ອນການຮົ່ວໄຫລເງີນຕາອອກນອກປະເທດ.

1. ຈະຂະຫຍາຍໂຮງໝໍ ຫຼັກໄຊ ຈາກ 30 ຕຽງ ເປັນ 70 ແລະ 100 ຕຽງ ໃນອານາຄົດ.

2. ນຳເຂົ້າອຸປະກອນການແພດທີ່ທັນສະໄໝເພື່ອສົມທົບການບົ່ງມະຕິພະຍາດ ແລະການປີ່ນປົວໃຫ້ທັນກັບສະພາບການໃຫ້ຜູ້ໃຊ້ບໍລິການໄດ້ຮັບຜົນປະໂຫຍດສູງສຸດ.

3. ພັດທະນາບຸກຄະລາກອນແພດໃຫ້ເປັນມືອາຊີບທຽບເທົ່າກັບພາກພື້ນ ແລະສາກົນ.